Partido da Terra, Siareir@s Galeg@s, Briga e Agir apoiam o Bloco reintegracionista na manife do Día das Letras Galegas

Continuam fazendo-se públicas adesons de coletivos à iniciativa do bloco reintegracionista na manifestaçom pola língua que vai decorrer nesta quinta-feira em Compostela.

Coletivos culturais, de defesa da língua, juvenis, etc, estám a somar-se à convocatória em defesa da “Oficialidade Única do Galego” e pola unidade lingüística galego-luso-brasileira.

Reproduzimos a seguir os posicionamentos difundidos polo Partido da Terra, Siareir@s Galeg@s, Briga e Agir.

Partido da Terra

PT adere ao Bloco Laranja

Chama a membros, simpatizantes e amigos a participar na manifestação convocada para o 17 de maio, Dia das Letras

O Partido da Terra vem de aderir ao “Bloco Laranja” formado polas organizações sociais e culturais reintegracionistas com o intuito de dar uma resposta unitária no dia 17 de maio, Dias das Letras Galegas. O Bloco Laranja sairá à rua em Compostela nesse dia numa manifestação convocada para as 12 horas na Alameda. A convocatória estará caraterizada polo uso da cor laranja e concluirá com a leitura do manifesto que reproduzimos a continuação.

Siareir@s Galeg@s

Siareir@s Galeg@s soma-se ao bloco laranja no 17 de Maio

Mais um ano chega o Dia das Letras Galegas com pouco que celebrar e muito polo que luitar. A nossa língua atopa-se numha situaçom crítica de ataque e abandono social que vai em aumento ano após ano e na que se fai necessária umha luita activa para a sua defesa. A língua é um dos eixos principais que nos identifica como povo e que mantém vivo o nosso ser como galegas e galegos.

É por isso que o nosso colectivo se adire à convocatória dum bloco laranja na manifestaçom deste 17 de Maio. A nossa luita polas selecçons nacionais e o desporto galego nom fica só nisso e nom tem sentido sem ir ligada à defesa da soberania do nosso povo e dos seus dereitos como tal. Desde o nosso colectivo sempre vinhemos apoiando iniciativas que buscam unir forças neste sentido e é esta umha ocassom mais na que estaremos na rua, junto com outras organizaçons, para cumprir com isto.

Animamos também a tod@s @s galeg@s comprometid@s como o nosso pais a manifestar-se na vindeira quinta-feira desde a alameda de Compostela e a fazer sua cada dia a luita polo dereito a vivermos em galego.

Briga

Queremos Galego. Soma-te ao Bloco Reintegracionista de Base

BRIGA apoia a convocatória do Bloco Laranja para a mobilizaçom polo Dia das Letras o vindouro dia 17 de maio em Compostela. Várias entidades reintegracionistas tenhem aderido à iniciativa impulsionada polo associacionismo cultural do país, que pretende repetir a experiência doutros anos quando, nas massivas mobilizaçons em defesa do idioma nacional coordenadas por diversos coletivos, centos de reintegracionistas nos unimos atrás dumha faixa comum constituindo um cortejo próprio caraterizado pola cor laranja.

Este 2012 repetimos. E queremo-lo fazer reivindicando o laranja como a cor simbolizadora do reintegracionismo lingüístico que adoptamos como galegas e galegos conscientes de que a grafia com que escrevemos a nossa língua tem umha importáncia fulcral no seu desenvolvimento e na autoestima coletiva, aferrolhada a dia de hoje após 30 anos de dependência e assimilacionismo espanholista provocadas polo Estatuto de Autonomia que tenhem colocado este povo à beira dum desastre cultural de profundo calado histórico.

Às 12 horas do meio-dia, na Alameda compostelana, vemo-nos no Bloco Laranja! que partirá à altura da famosa estátua das Marias. A juventude também se rebela contra a dominaçom cultural. O galego nom precisa Ñ nem nengumha referência espanhola para existir!

VIVA A NOSSA LÍNGUA!

VIVA O DIA DAS LETRAS!

EM GALEGO TODO O ANO!

Agir

17 de Maio: Participa no Bloco Laranja!

Ante a convocatória dumha mobilizaçom nacional em defesa da língua no Dia das Letras Galegas no próximo 17 de maio, a nossa organizaçom acredita na necessidade da visibilizaçom do ativismo social que luita e trabalha nas chaves do reintegracionismo lingüistico e o monolingüismo social. Tendo em conta isto decidimos participar no Bloco Laranja junto com o resto do movimento reintegracionista, e chamamos também ao estudantado galego a secundá-lo, pois achamos que só mediante um ensino 100% em galego e baseado na unidade lingüística galego-portuguesa se poderá superar a situaçom de minorizaçom atual.